1.72K viewsصناعة المواقع
0
0 Comments

كيف تختار الأقسام المحددة لكل موضوع في موقع

WordPress blogger

Anonymous Answered question يوليو 8, 2021
0
مصري (anonymous) 0 Comments

ازاى بتختار الاقسام المحددة لكل موضوع ؟
ازاى بتختار رابط ذات صلة تعمل منه رابط نصى داخلى للربط بين المواضيع؟
هل تهتم بالبناء الهندسى للموقع ولا بتضرب اى قسم يقابلك واى رابط داخلى يقابلك وخلاص؟

ايه الاسهل بالنسبة لك ؟ انك تمشى كدة
ميدان رمسيس > غمرة > ميدان العباسية
ولا تمشى كدة
ميدان رمسيس > العتبة > باب الشعرية > شارع الجيش > ميدان العباسية
طبعا بما انك واقف فى ميدان رمسيس فالاسهل والطبيعى هو انك رايح العباسية عن طريق غمرة فإية بقا اللى يدخلك العتبة فى الزحمة وتلف اللفة دى كلها

كذلك موقع الويب لابد ان تتأكد من سهولة التنقل وسرعة الوصول لان لو انت فاضى وعندك وقت ومتدلع اوى وقررت تروح العباسية عن طريق العتبة فالزائر وجوجل لن يكون لديهم نفس الرفاهية والدلع دة

الاهتمام بالبناء الهندسى وسهولة التنقل بين الصفحات هو ارقى تصميم لاى موقع وله فوائد عديدة
– سهولة الارشفة وسرعة الفهرسة بناء على خريطة موقع واضحة وبسيطة
– سرعة الوصول الى اى صفحة داخل الموقع بنقرة واحدة او نقرتين بالكثير
– مساعدة جوجل على فهم المحتوى المرتبط والمحتوى ذات الصلة بالصفحة

طب ازاى نختار الاقسام وتوزيعها –
مثال صحيح
فودافون > خدمات فودافون > فودافون كاش
مثال خطأ
فودافون > إتصالات > فاتورة النت

لان هنعمل عبارة كاملة من ال 3 اقسام تؤدى الى جملة مفيدة من عبارة بحثية مفهومة
– كيفية الاستعلام عن رصيد فودافون كاش من خلال خدمات فودافون ؟
– معرفة رصيد فودافون كاش وجميع اكواد خدمات فودافون كاش

وهذا مثال ممتاز لبناء الموقع او التخصص انطلاقا من تماسك قوى بين كل الصفحات وله مفهوم واضح وصريح وسريع

انما المثال التانى لو حبيت تعمل منه عبارة بحث مترابطة سيظهر له نتائج متعددة غير واضحة وغير مفهومة القصد – يا ترى انت تقصد فاتورة نت فودافون ولا فاتورة نت اتصالات ؟
وفى الاخر هتلاقى جوجل تجاهل موضوعك لانة شاف موقع اخر مظبط الجزء دة احسن منك

نفس الشىء ينطبق عند اختيار كلمات وروابط المستخدمة للربط الداخلى
لو انت بتعمل موضوع عن الاستعلام عن رصيد فودافون كاش – ممكن تربط بمقالة من نفس القسم او احد الاقسام الثلاثة المرتبطة به – فودافون و خدمات فودافون و فودافون كاش
زى مثلا – طريقة سحب فودافون كاش من atm او ارقام خدمة العملاء فودافون
وتتجنب خالص عملية الحقن بروابط من اقسام غريبة عنة

اكيد لما الزائر يدخل على موضوع مهتم بة محتاج يلاقى رابط لشىء اخر مكمل او مرتبط بنفس الموضوع ودة بيسهل علية حرية التنقل والبقاء اطول فترة ممكنة واجراء التفاعل
#سيو_سهل

مصري Answered question يوليو 8, 2021
You are viewing 1 out of 1 answers, click here to view all answers.
Write your answer.
AllEscort